Vetëm 3 ndeshje larg “EURO 2024”, sa pikë na duhen për të shkuar në Gjermani?

Fitorja ndaj Polonisë në “Air Albania” ka vendosur Shqipërinë në pozita shumë të favorshme për të shkuar në Euro 2024. Kuqezinjtë kryesojnë grupin dhe në tre ndeshjet e mbetura, tashmë janë ndër favoritët për të siguruar një nga dy vendet e para që të çojnë në Gjermani 2024.

Shqipëria udhëheq grupin E, mposht Poloninë në “Air Albania”

Ka një sërë kombinimesh rezultatesh që të çojnë drejt këtij objektivi, por ka që tani një “kuotë minimale” që ta garanton praninë në turne.

Matematikisht, nëse Shqipëria siguron 5 pikë në tre ndeshjet e mbetura në grupin e saj, do të ketë të sigurt biletën për turne në Gjermani, pasi do të bëhej një nga dy skuadrat e para në grup. Duke llogaritur që 2 nga 3 ndeshjet e kuqezinjve janë në “Air Albania”, ky objektiv bëhet mëse i arritshëm.