Partia Socialiste njeh Lulzim Bashën kryetar të PD-së dhe me këtë të fundit do të bashkëpunojë për reformat në parlament. Kështu deklaroi sot kryetari i grupit të PS-së, Çuçi në një konferencë për mediat. La të kuptohet se për momentin njeh Gazment Bardhin në krye të grupit të PD-së.
“Unë homolog tani për tani, PD e ka një kryetar të grupit dhe një kryetar të partisë. Nuk mund të jenë i njëjti person, por secila parti rregullohet me ligjet e veta.
Kryetarin e PD-së e njeh gjykata, kryetarin e grupit e njeh kuvendi. Ka një raport të një grupi me kuvendin dhe një raport të partisë me ligjin, gjykatën dhe rregullin e tyre. Mos prisni ta zgjedh unë kryetarin e grupit të PD-së” deklaroi ai.
