Një ngjarje e rëndë është regjistruar ditën e sotme në një kantier në Kinë ku për pasojë kanë humbur jetën 6 persona.
Mësohet se kanë mbetur të plagosur edhe 5 persona të tjerë. Ngjarja ka ndodhur në qytetin jugperëndimor të Kinës, Chengdu. Mësohet se gjatë kohës së punës është rrëzuar një vinç dhe për pasojë ka zënë poshtë punonjësit.
Të plagosurit janë dërguar në spital dhe sipas informacioneve të transmetuara nga agjencia e lajmeve Xinhua, jeta e tyre nuk është në rrezik.
Autoritetet kineze kanë urdhëruar një hetim për të përcaktuar shkakun e aksidentit fatal.
