Arrestohet në Dubai Amant Josifi, i cili konsiderohet si një nga personat më të fuqishëm në biznesin e Call-Center në vendin tonë. Josifi është prangosur për llogari të Spanjës. Drejtësia spanjolle e kërkon Josifin për mashtrim me skemën e call-center. Ish-kryeministri Sali Berisha tha sot se arrestimi u mbajt një javë i fshehtë.
“Ai grabiti rreth 2.2 miliardë Euro. Amant Josifi ishte këshilltari i Olta Xhaçës dhe djali i nëpunëses së parë civile të shtetit, Strakosha. Ai kishte lidhje shumë më të fuqishme, vetë Olsi Ramën. Mbahet një javë i fshehtë nga Taulant Balla dhe Edi Rama arrestimi i tij në Dubai. Pronari i ABC-së bashkë me lëpirësin Balla, kanë pushuar nga puna njërin nga gazetarët më të shquar në fushën e investigimit, Ferdinand Dervishi” tha ai.
Përmes këtyre skemave mashtruese, qytetare europiane josheshin që të investonin në bursa të huaja me pretendimin se mund të fitonin shumëfish. Mendohet se këto skema mashtruese kanë sjell një dëm prej qindra milionë euro në xhepat e qytetareve të ndryshëm në vendet e BE-së. Përveç kompanive call-center, Amant Josifi ka punuar edhe si Këshilltar I Ministres së Mbrojtjes Olta Xhacka deri në vitin 2020.
EMRI/ Mashtrimet me Call Center-at, arrestohet në Dubai ish-këshilltari i Olta Xhaçkës
