Një 32-vjeçar shqiptar i quajtur Amarildo Kureta me detyre efektiv policie është arrestuar mbrëmjen e djeshme në Greqi.
32-vjeçari punonte prej disa vitesh në Drejtorinë Vendore të Policisë Berat, ku ishte pjesë e efektivëve të Forcave Operacionale në këtë drejtori.
Po ashtu ai ka qenë pjesë e forcave “Shqiponja” në Tiranë dhe kishte marrë lejen vjetore dhe ishte nisur për pushime, por sapo ka hyrë në doganën greke ai është prangosur.
Amarildo Kureta ishte shpallur në kërkim nga shteti italian ku akuzohet për trafik droge, pas hetimeve disa vjeçare dhe kriptimeve të bisedave telefonike mes efektivit dhe një rrjeti të strukturuar krimi në fushën e narkotikëve.
DVP Berat mësohet të kenë konfirmuar se nuk kanë pasur asnjë njoftim nga Interpoli se efektivi i tyre ishte person “i shpallur në kërkim” për trafik droge.
