Mediat italiane kanë publikuar të tjera detaje në lidhje me vdekjen e 47-vjeçarit shqiptar Ilir Dervishi në shtetin fqinj.
Sipas tyre, ishin goditjet me kaçavidë ato që vranë Dervishin dhe jo aksidenti me makinën në të cilën udhëtonte 47-vjeçari së bashku me shqiptarin tjetër, Miri Gurra, i akuzuar tashmë për vrasje.
Autopsia konfirmoi se Ilir Dervishi kishte marrë plagë të thella në trup, dhjetëra goditje dhe ato në kokë i kishin thyer kafkën.
Ndërkaq Gurra nuk ka pranuar të flasë para hetuesve se cila ishte arsyeja që çoi në krimin e rëndë.
