Debat në komisionin e sigurisë. Mbledhja e sotme ishte parashikuar për miratimin nen për nen dhe në tërësi të projektligjit “Për disa shtesa dhe ndryshime në ligjin nr. 75/2014, “Për shërbimin privat të sigurisë fizike” në cilësinë e komisionit përgjegjës. Por debati devijoi në akuza për kryeministrin Edi Rama, deklaratat e tij për Kosovën, por edhe çështje të tjera.
“Ka ndodhur ngjarja atje, a ka ndonjë shqetësim ministria e Mbrojtjes? Ministri i Mbrojtjes të vijë këtu. A do të bëjmë ndonjë diskutim serioz këtu ne apo jo? Salvador Kaçaj u kërcënua dhe nuk ka asnjë reagim” tha Ervin Salianji.
Opozita ngriti edhe shqetësimin e rrjedhjes së të dhënave, por deputeti socialist kishte një përgjigje ironike. “Atyre u rrjedhin të dhëna brenda forcës së tyre politike. A kem rrjedhjen përballë (deputetët) e opozitës.
Nuk ka asgjë që u bën derman ju. Ju lëvizni sa të Luli, Gazi, Saliu, tani të shohim ku do të shkoni. Nuk ka ”tapë” që ndalon hemorragjinë tuaj” tha Gogu.
