Ish-deputeti demokrat, Ervin Salianji, sërish në distancë me anë të një postimi në faqen tij facebook ka reaguar ndaj liderit demokrat Sali Berisha, pasi ky i fundit sot u paraqit për të votur për zgjedhjen e kreut të PD për një mandat të ardhshëm 4 vjeçar edhe pse është kandidat i vetëm në garë pa rivalin në listë.
Berisha pa rival për kreun e PD/ Salianji: Demokratët refuzojnë farsën, do ta çmontojmë me kurajo!
Postimi i Salianjit
Pergjigje për Sali kolltukun;
për njeriun më e dhimbshme se humbja është poshtërimi, qesharakëzimi dhe përbuzja përmes talljes.
Sot je kthyer në simbolin e votimit pa garë, uzurpatorit pa zgjedhje dhe pa dinjitet politik, vrasesin e shpreses se qytetarëve për ndryshim!
Deri tani, në të gjithë Shqipërinë nuk kanë marrë pjesë as 1000 anëtarë. Do t’i faktoj me prova reale sa ka qenë pjesëmarrja dhe si po përgatitesh ta manipulosh atë me shifra false.
Meqë e ke me qejf; Je i pashpresë. Frika nga gara të çoi në uzurpimin e Partisë Demokratike dhe në aleancë të hapur me Ramën për të forcuar regjimin Rama-Berisha. Demokratët nuk ta pranojnë më modelin e partisë private, ku votohet pa zgjedhje dhe përjashtohet kush mendon ndryshe.
Bashkë me demokratët do ta çmontojmë regjimin Rama-Berisha dhe do të rrëzojmë praktikat puniste të votimit farsë, që poshtërojnë pluralizmin dhe mbajnë peng opozitën shqiptare.
Falenderime pafund per qindra demokrate që me sjellin me foto fletet e votimit dhe mijëra te tjere qe e kane perbuzur farsen duke e bojkotuar!
