Zaheri, një i mbijetuar i tërmetit të fuqishëm në Afganistan, ecën i qetë nëpër atë që dikur ishte fshati i tij, tani i kthyer në grumbuj rrënojash. Duke qëndruar në majë të një grumbulli rëre, ai vendos shtëpinë e tij ose më mirë, atë pak që ka mbetur prej saj.
“Ne kemi jetuar këtu dhe tani mund të shihni se në çfarë gjendje ka arritur. Natyrisht që situata jonë aktuale është e dukshme,” tha ai.
Ai tregon se tërmeti vdekjeprurës që goditi Afganistanin më 7 tetor, i kishte marrë më shumë se shtëpinë e familjes së tij.
“Trembëdhjetë njerëz në familjen time vdiqën. Djem, vajza, të rinj dhe të vjetër, duke përfshirë tre vajzat e mia, dy djemtë, dy mbesat dhe dy nipërit e mi, si dhe një nip që ishte për vizitë, dhe mbesën time dhe vajzën dhe djalin e saj,” rrëfen ai.
“Ju jeni dëshmitarë të situatës sonë… ne kemi mbetur pa asgjë. Këto rrënoja kanë qenë jeta jonë, qilimat, ushqimi dhe gjithçka. Tani qëndroj mbi gurë dhe tokë të fortë, ku edhe fle,” tha ai.
Fshatrat në të gjithë Afganistanin perëndimor janë shkatërruar. Shumë prej tyre u shndërruan në rrënoja, duke lënë familje të bllokuara poshtë./CNN
