Ditën e sotme Tirana po pret liderët e BE në kuadër të samitit Procesit të Berlinit, i cili për herë të parë do të mbahet jashtë kufijve të unionit.
Në këtë ditë, kryeqyteti do të jetë i mbushur me një axhendë të ngjeshur deri në orën 19:30.
Evenimenti historik, nisi me një performancë spektakolare me koreografi të Angjelin Prelocajt, i cili zbuloi edhe bisedën me kreun e qeverisë.
Rama shpjegoi edhe performancën artistike të baletit, e cila ilustroi ekspozimin e pikturës “Rrëmbimi i Europës” (Abduction of Europa), të piktorit italian Giovanni Domenico Cerrini.
Kreu i qeverisë, i kishte dedikuar një korridor të mbushur me foto nga takimet e tij me liderët e BE-së si simbol i “fluturimit” të Shqipërisë në union.
“Mirë se erdhët të gjithë! Mendova se ishte vendi i duhur, momenti i duhur për të ekspozuar “Rrëmbimi i Europës’’, kryeveprën e Giovanni Domenico Cerrini,” tha Rama në nisje.
