Deputetja e Partisë Demokratike, Jorida Tabaku, në fjalën e saj në nisje të seancës plenare në Kuvend, u ndal te procesi i integrimit të Shqipërisë në Bashkimin Evropian.
Ajo theksoi rëndësinë e transparencës dhe informacionit për qytetarët lidhur me procesin e integrimit dhe diskutimet në Bruksel.
“Në mënyrë të vijuar kemi kërkuar publikimin e ligjeve, kemi kërkuar që të ketë informacion dhe transparencë. Ky proces nuk mund të jetë teknik, duhet të jetë politik dhe qytetarët duhet ta dinë se çfarë po diskutohet në Bruksel, ka apo jo pengesa. Qytetarët duhet ta dinë se mos votimi i imunitetit të Blinda Ballukut, është bërë apo jo pengesë. Duhet të patjetër që këto tema të jenë në parlament,” tha Jorida Tabaku.
