Gjykata e Posaçme ka rrëzuar qëndrimin e avokatëve të Sali Berishës, të cilët u shprehen se kanë kërkuar përjashtimin e gjyqtares Irena Gjoka nga çështja.
Berisha duhej të njihej sot me masën e sigurisë “detyrim paraqitje” të dhënë ndaj tij, por seanca u shty për ditën e nesërme.
Avokati Genc Gjokutaj tha se ata kanë bërë një padi penale ndaj gjyqtares për shpërdorim detyre dhe po ashtu kanë kërkuar përjashtimin e saj nga çështja.
Por Gjykata e Posaçme shprehet se nuk ka asnjë kërkesë zyrtare për përjashtimin e gjyqtares.
“Nuk kanë paraqitur kërkesë për përjashtim në k/sekretari, por verbalisht kanë parashtruar se do të paraqesin kërkese për përjashtim. Deri ne këto momente ende nuk është regjistruar një kërkese e tillë,” tha zyra e shtypit në GJKKO.
Berisha kallëzon gjyqtaren që i vuri dy masa: Të përjashtohet!