Autoritet greke kanë “shkatërruar” një grup kriminal të shpërndarjes së drogës ku mes të arrestuarve ka edhe 4 shqiptarë.
6 persona u arrestuan nga policia e Tripolit në Greqi pas një hetimi disamujor. Grupi kriminal vepronte prej prillit 2023 duke trafikuar drogë në Athinë dhe Arkadia nën drejtimin e shqiptarit 45-vjeçar.
Mësohet se droga prodhohej dhe kultivohej në plantacione në Gortynia dhe pasi ishte gati për shitje shpërndahej në Athinë.
Policia gjatë operacionit ka sekuestruar 169 kg kanabis, 4 automjete, 8 celularë, 3 peshore, 15 mijë euro, 1 pistoletë revolver, 3 fishekë dhe sende të tjera.
Deri tani besohet ky grup ka siguruar mbi 600 mijë euro nga shitja e kanabisit.
