Një plagosje është regjistruar mbrëmjen e sotme në Kamëz në afërsi të kryqëzimit të Bathores.
Ngjarja ka ndodhur rreth orës 19:15 ku në rrethana ende të paqarta, dy persona ende të paidentifikuar kanë qëlluar me armë zjarri ndaj 46-vjeçarit me inicialet A. H.
Autorët mësohet se po lëviznin me motor dhe janë larguar nga vendi i ngjarjes.
Si pasojë 46-vjeçari është plagosur në këmbë dhe ndodhet në spital, nën kujdesin e mjekëve.
Shërbimet e Policisë pas marrjes së njoftimit kanë shkuar menjëherë në vendngjarje, kanë rrethuar zonën, kanë ngritur pika kontrolli dhe vijon krehja e zonës për të bërë të mundur kapjen e autoritëve.
Grupi hetimor, në drejtimin e Prokurorisë, ndodhet në vendngjarje dhe vijon veprimet hetimore për zbardhjen e rrethanave të ngjarjes.
