Një aksident është regjistruar ditën e sotme rreth orës 14:40, në aksin rrugor “Pogradec-Qafë Thanë” pranë fshatit Udënisht.
Mësohet se automjeti tip “Mahindra” me drejtuesin me inicialet P. Sh., është përplasur me automjetin tip “Peugeot” me drejtuesin me inicialet Sh. A. 55-vjeç, banues në Elbasan.
Për pasojë janë dëmtuar drejtuesi i automjetit tip “Peugeot”, pasagjerja në këtë automjet si dhe pasagjeri i automjetit tip “Mahidra”, të cilët u dërguan për mjekim në spital.
Momentalisht grupi hetimor po punon për sqarimin e rrethanave të aksidentit dhe po kryhen veprimet e mëtejshme procedurale.