Ndjekja e egër e një makine, e cila po lëvizte në mënyrë të dyshimtë mesnatën e së shtunës në Greqi është kthyer në një përleshje të përgjakshme me një të vdekur, sipas mediave.
Makina në të cilin udhëtonin 3 deri në 4 persona iku shpejtësi të madhe duke u përpjekur të shmangte kontrollin e policëve që e kishin sinjalizuar të ndalonte.
Pasoi një ndjekje e egër policore teksa automjeti kaloi në mënyrë të rrezikshme nëpër zona banimi. Automjeti i dyshuar përfundimisht ngeci në një rrugë pa krye në Leontari.
Kur policët tentuan të kontrollonin pasagjerët, këta të fundit kanë reaguar dhe ka ndodhur një sherr me njërin prej tyre që ka tentuar t’u marrë armën policëve, të cilin efektivi e ka qëlluar.
Plumbi ka plagosur të riun, i cili ra përtokë i gjakosur. Me shpejtësi në vendngjarje ka mbërritur autoambulanca, por ishte vonë për të riun, i cili kishte përfunduar i vdekur.
