Kryeministri Edi Rama ka deklaruar se protestat në Shqipëri janë ndikuar nga një fushatë e gjerë dezinformimi dhe ndërhyrjesh kibernetike, përmes videove të rreme dhe rrjeteve të bot-eve.
Në një intervistë për CNN, Rama tha se këto fenomene po ndikojnë jo vetëm në Shqipëri, por edhe në funksionimin e demokracive moderne në Europë, duke kritikuar gjithashtu keqpërdorimin e informacionit në rrjetet sociale.
“Por sasia e dezinformatave, e videove të rreme, e videove të marra nga protesta në vende të tjera dhe të paraqitura si protesta në Shqipëri, sasia e bot-eve që kanë hyrë aty… ne kemi një armik, i vetmi armik është Republika Islamike e Iranit, dhe ata kanë tre vjet që zhvillojnë një sulm kibernetik të pamëshirshëm kundër Shqipërisë.”
“Kjo sasi çmendurie po gërryen demokracitë tona nga brenda… Prandaj është koha që demokracitë të mos besojnë më se ‘liria e shtrirjes së informacionit’ është një zgjatim i lirisë së shprehjes.”
