Një 41-vjeçare ka shkuar dhe ka denoncuar ditën e sotme në drejtorinë e policisë Tiranë se dyshon që gjatë muajit tetor, drejtoresha e shkollës dhe mësuesja kujdestare i kanë rrahur djalin e mitur. Shkolla nëse është private apo publike nuk jepet nga policia.
“Në Komisariatin e Policisë Nr. 3 është paraqitur shtetasja I. A., 41 vjeçe, banuese në Tiranë, e cila dyshon se në muajin tetor, mësuesja kujdestare dhe drejtoresha e shkollës që frekuenton djali i saj i mitur, kanë ushtruar dhunë ndaj tij” thuhet në njoftimin e policisë.
Policia thekson se grupi hetimor po kryhen veprimet për sqarimin e plotë të rrethanave të ngjarjes. Ky është denoncimi i katërt brenda pak ditëve. Fillimisht ishte rasti i edukatores në zonën e “Ali Demit” që u pasua nga dy të tjera në çerdhe dhe kopshte.
