Një tjetër refuzim për dhëndrin e Sali Berishës. Gjykata e Posaçme rrëzoi kërkesën Jamarbër Malltezit për kthimin e telefonit, që iu sekuestrua në momentin e arrestimit. Malltezi kishte kërkuar kthimin e telefonit dhe kompjuterave dhe disa materialeve të tjera shkresore, të sekuestruara nga ana e SPAK-ut. Gjyqtarja Irena Gjoka refuzoi duke lënë në fuqi masën e sekuestros me argumentin se janë sekuestruar në cilësinë e provës materiale.
Malltezi mbahet i arrestuar për akuzën e korrupsionit dhe pastrimit të parave në lidhje me hetimet e nisura për dosjen “Partizani”. Biznesmeni Fatmir Bektashi në detyrim paraqitje dhe ish-kryeministri Sali Berisha, vjehrri i Malltezit është me dy masa sigurie, detyrim paraqitje dhe ndalim i daljes jashtë vendit pasi po hetohet për korrupsion, që deri tani ka sfiduar gjykatat duke refuzuar që të paraqitet.
