Presidenti amerikan, Joe Biden, feston sot ditëlindjen e 81-të, duke shënuar kështu edhe një rekord si presidenti i parë i vendit, në detyrë, në këtë moshë, ndërkohë që mosha ngre pikëpyetje për të ardhmen e tij politike.
Kur mori presidencën në vitin 2021, Biden ishte 78 vjeç ndërsa ai e ka bërë të ditur tashmë se synon të fitojë sërish presidencën në 2024-ën.
Biden është personi më i moshuar që ka shërbyer si komandant i përgjithshëm në historinë e Shteteve të Bashkuara të Amerikës e nëse ai kërkon rizgjedhjen në 2024 dhe fiton, do të jetë 86-vjeç në fund të mandatit të tij të dytë.
