Presidentja e Kosovës, Vjosa Osmani ka zhvilluar një takim me presidenten e Komisionit Evropian, Ursula von der Leyen në Bruksel.
Në një postimi në “Facebook”, Osmani shkruan se me Presidentin e KE bisedoi për heqjen e masave të vendosura nga ana e BE-së ndaj Kosovës dhe rëndësinë e dhënies së statusit të vendit kandidat për anëtarësimin në BE.
“Në takim me Presidenten e Komisionit Evropian, Ursula von der Leyen në Bruksel, ritheksova nevojën e heqjes së masave të BE-së ndaj Kosovës, derisa potencova rëndësinë e dhënies së statusit të vendit kandidat për anëtarësim në BE, si sinjal i qartë që vendet demokratike, liridashëse dhe të përkushtuara ndaj vlerave evropiane e kanë vendin në BE.
Mirëpresim ‘Planin e Rritjes’, të prezentuar nga Presidentja Von der Leyen, për të cilin Kosova tashmë ka prezentuar planin konkret për reforma,” shkruan Osmani.
