Presidenti i Ukrainës Volodymir Zelensky është shprehur i vendosur për mbrojtjen e Ukrainës. Ai thekson se Ukraina synon të arrijë qëllimet e saj dhe se vendi do të luftojë për drejtësi. Gjithashtu Zelensky në këtë fundvit ka falënderuar të gjithë vendet dhe liderët që për asnjë moment nuk kanë hequr dorë nga mbështetja për Ukrainës që nga nisja e pushtimit rus.
“Ne do të luftojmë për drejtësi dhe për Ukrainën. U jam mirënjohës të gjithë liderëve që na kanë mbështetur”, ka thënë ai.
Nga ana tjetër presidenti rus Vladimir Putin në fjalim të mbajtur drejtuar ushtarëve tha se asnjë forcë nuk do ta ndalë Rusinë në rrugën e saj.
“Rusia nuk do të bëjë kurrë një hap pas dhe asnjë forcë nuk do të jetë në gjendje të ndalojë vendin. Ne kemi dëshmuar se jemi të aftë të përballojmë dhe të zgjidhim problemet tona”, ka thënë Putin.
