Një ngjarje e rëndë është ndaluar nga policia e Sarandës, pasi ishte planifikuar rrëmbimi i një 49-vjeçari. Për këtë vepër penale janë vendosur në pranga 4 të rinj.
Ditën e djeshme, në rrugën “Skënderbeu”, në lagjen nr.1, shërbimet e Komisariatit të Policisë Sarandë kanë ndaluar automjetin tip “BMW”, me drejtues Angelos Tsimperis 20-vjeç dhe pasagjerë Juljan Brinja- 28 vjeç nga Borshi, dhe Sandri Brinja 27 vjeç (vëllezër) dhe Gjergji Prenga 29 vjeç.
Gjatë kontrollit në automjet, në vendin e pasagjerit ku qëndronte shtetasi Juljan Brinja, shërbimet e Policisë gjetën 1 armë zjarri pistoletë dhe lidhëse plastike, të cilat u sekuestruan në cilësinë e provës materiale.
Dyshohet se në kërcënimin e armës do të rrëmbenin një shtetas 49 vjeç, banues në Sarandë, për motive të dobëta.
