Sadio Mane njihet për karrierën e tij të pasur futbollistike, shumë performanca të larta në Europë me Liverpool, një lider tek Senegal por gjithashtu dhe një person i cili shpesh herë ka treguar se ka një “zemër të pasur” me ndihma të shumta për fëmijët dhe familjet në nevojë.
Tani sulmuesi i Al Nassr pak para startimit të Kupës së Afrikës ka surprizuar të gjithë, çuditërisht ishte martuar!
31-vjeçari Mane nuk kishte dalë asnjëherë në mediat për lidhjet jashtë fushës. Arsyeja u shpjegua kur u zbulua martesa e tij me 18-vjeçaren Aisha Tamba.
Siç zbulohet nga mediat senegaleze, e reja ishte e destinuar të bëhej gruaja e tij që në vitet e adoleshencës. Një mysliman i devotshëm, Mane kishte treguar qëllimet e tij për Aishen duke i mbuluar të gjitha shpenzimet e saj deri sa ajo mbaroi shkollën dhe sapo u rrit, u bë gruaja e tij.
Dasma u bë e njohur përmes fotove dhe videove të publikuara nga kompania që kishte marrë përsipër organizimin e saj dhe ceremonia u zhvillua në kryeqytetin e Senegalit, Dakar në prani të pak njerëzve.
