Lulzim Basha nuk është për bashkimin e opozitës pa u plotësuar tre kushte. Nismën e partive të vogla opozitare e cilëson hipokrite, alibi për të dalë, sipas tij nga aty ku e zhytën veten. Foli për bashkim rreth vlerave, jo mekanik.
“Bashkimi në politikë nuk është mekanik. Bashkimet mekanike dështojnë. Bashkimet janë bashkime interesash politike. Lufta kundër korrupsionit dhe aleanca strategjike me perëndimin.
Kjo nuk është thirrje për bashkim, por alibi ku e futën veten, në një krizë pa kthim. PD e ka bashkimin e opozitës prioritet absolut, por jo bashkim mekanik. Kauza dhe parimet. Të tjerat janë shfaqje që u ka dalë boja. Bashkimi bëhet përmes akteve.
Akti i parë është disntacimi nga gjuha e linçimit dhe urrejtjes dhe qëndrimet duhet të jenë pa ekuivok, aleanca me perëndimin, SHBA-BE-Britani. Qëndrimi kundër korrupsionit dhe mbështetja pa kushte e SPAK-ut” tha ai.
Tha se ishte penduar për koalicionin me LSI-në në 2021-shin. “Bashkimi me LSI-në, i cili në një moment të caktuar të historisë sonë na kushtoi më shumë sesa na avantazhoi në përballjen me Edi Ramën” tha ai.
