Kreu i grupit të PS-së, Bledi Çuçi reagoi pas dështimit të mbledhjes së komisionit të reformës zgjedhore duke u shprehur se të dyja palët e partisë Demokratike, “së bërë copë e çikë po zhyten më keq në krizën ku kanë rënë”. Çuçi dënon bllokimin që i bënë sot disa deputetë të opozitës mbledhjes së Komisionit të Reformës Zgjedhore.
“Pyetja “me kë të flasësh” mori përgjigje më qartë se kurrë sot. Me ata të revolucionit të karrigeve që përsërisin skenat e dhunës sa tek selia e tyre e sa në Kuvend nga njëra anë, apo me ata që edhe kur thërrasin vetë Komisionin e Reformës Zgjedhore nuk paraqiten në mbledhje?
Të dyja palët e partisë së bërë copë e çikë përveçse zhyten më keq në krizën ku kanë rënë prej vulës së humbur dhe sikletit me drejtësinë e re, nuk e pengojnë dot as reformën zgjedhore dhe as jetën parlamentare. Gjithesesi shqiptarët janë gjithmonë e më të qarte ne pergjigjen e tyre per Shqiperine. Partia Socialiste!”, shprehet Çuçi.
