Policia e Fierit ka arrestuar një 30 vjeçar ditën e sotme pasi u kap me 2 pistoleta në automjet.
Sipas informacioneve policore është arrestuar Vjoni Gjoka, 30 vjeç, banues në Vreshtas, pasi nga kontrollet e kryera në automjetin që ky qytetar drejtonte gjatë natës, në fshatin Cakran, dhe në banesën e tij, u gjetën dhe u sekuestruan në cilësinë e provës materiale 2 armë zjarri pistoleta dhe municion luftarak.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme procedurale.
