Kreu i Grupit Parlamentar të PD-së së Rithemelimit, Gazment Bardhi ka marrë pjesë në një vizitë zyrtare në Washington, në ceremoninë e “Lutjeve të Mëngjesit” ku tregon se kishte pjesëmarrës nga më shumë se 127 vende të botës.
Në një reagim të bërë në rrjetet sociale, ai shkruan se ShBA mbetet aleat i përjetshëm në të gjitha aspektet globale.
Postimi i Bardhit:
Në Washington DC kisha kënaqësinë të jem pjesë e ceremonisë së Lutjeve të Mëngjesit, ku kisha mundësinë të takoja miq amerikanë e pjesëmarrës të tjerë nga më shumë se 127 vende të botës me të cilët ndamë pikëpamjet tona për situatën politik, si dhe rolin e Shqipërisë në rajon e më gjerë.
Shtetet e Bashkuara të Amerikës mbeten aleati ynë i përjetshëm në të gjitha aspektet globale, si ato të ekonomisë, sigurisë dhe demokracisë. Zoti e bekoftë miqësinë Shqipëri-Shtetet e Bashkuara të Amerikës.
