83 persona janë arrestuar, mes tyre edhe shqiptarë. Operacioni është finalizuar mes Eurojust, SPAK, autoriteteve italiane, spanjolle, holandeze dhe vendeve të tjera partnere.
Dy vite hetim për të goditur bandën e drogës. Prokurori i SPAK-ut Vladimir Mara ka theksuar se në Shqipëri janë sekuestruar 200 llogari bankare dhe 30 shoqëri tregtare e pasuri të personave të përfshirë.
5 milionë euro pasuri, 2.7 milionë kokainë dhe 83 të arrestuar
“Janë sekuestruar në Shqipëri mbi 200 llogari bankare të personave të përfshirë në këtë aktivitet, 30 shoqëri tregtare, 18 pasuri të paluajtshme dhe pasuri të tjera të luajtshme.
Këto janë pasuri që dyshohet se janë krijuar në sajë të veprimtarisë kriminale të trafikut të drogës” tha ai.
Gjatë hetimeve u zbulua një bunker për fshehjen e lëndëve narkotike.
