Një biznesmen i njohur grek, Christos Gialia u ekzekutua ditën e sotme me breshëri plumbash në Mandara, ku më pas autorët i vunë flakën makinës së tij, së bashku me viktimën brenda.
Një tentativë për të fshirë të gjitha gjurmët e krimit. Vrasja ka ndodhur në një distancë më pak se 200 metra nga shtëpia e biznesmenit dhe vlerësohet se autorët kishin ndjekur lëvizjet e tij. Policia ka nisur kërkimin për gjetjen e autorëve që u larguan me motor.
Në të kaluarën ishin regjistruar probleme të tjera me botën e krimit për familjen e biznesmenit, në fakt në vitin 2018 ish-bashkëshortja e tij është vrarë gjithashtu në të njëjtin vend, në Mandra.
Biznesmeni ishte ndarë prej disa kohësh dhe ishte martuar me një shqiptare, pavarësisht kësaj ai kishte një marëdhënje të shkëlqyer me ish-gruan e tij.
Sipas policisë, motivi i vrasjes së gruas ka qenë grabitja pasi autorët besonin se ajo kishte para. Ata i ngritën një pritë jashtë shtëpisë së saj teksa ajo kthehej nga kazinoja. Megjithatë, në çantën e saj kishte vetëm një orë. Ai ishte martuar me një grua shqiptare nga Elbasani dhe kishte me të një fëmijë.
Ekzekutohet biznesmeni i njohur grek, autorët e djegin së bashku me makinën
