Një zëdhënës i Pentagonit tha se sekretari amerikan i Mbrojtjes Lloyd Austin u dërgua në spitalin ushtarak Walter Reed të dielën për trajtimin e “simptomave që tregojnë për një problem emergjent të fshikëzës”.
“Zëvendëssekretari i Mbrojtjes dhe shefi i Shtatmadhorisë janë njoftuar. Për më tepër, janë njoftuar edhe Shtëpia e Bardhë dhe Kongresi”, tha në një deklaratë me shkrim zëdhënësi i Pentagonit, gjeneralmajori Pat Ryder.
Më vonë, zëdhënësi Ryder publikoi një deklaratë tjetër, duke thënë se rreth orës 17:00 të së dielës sekretari Austin ia transferoi “funksionet dhe detyrat” zëvendës sekretares së Mbrojtjes, Kathleen Hicks.
