Ish-nën drejtori i Policisë së Tiranës, Erzen Breçani, është transportuar nga qelia e tij, ku mbahet në paraburgim, në ambientet e spitalit të burgut.
Mësohet se Breçani vuan nga klaustrofobia, frika nga vendet e mbyllura, një fakt që e ka deklaruar më herët.
Nga ana tjetër, Erzen Breçani ka kërkuar zëvendësim mase dhe informacion nga SPAK në çfarë pike janë hetimet.
Breçani u arrestua nëntorin e kaluar me akuzat e pastrimit të parave dhe përkrahje te autorit të krimit.
