Teksa linja hekurudhore Tiranë-Durrës është në punë e sipër, tregohet se përfitimet ekonomike nga ky projekt do të jenë të mëdha.
Sipas raportit të realizuar nga Instituti Ndërkombëtar për Zhvillim të Qendrueshëm, përfitimet kumulative neto për një periudhë 30- vjeçare përllogariten në 270.34 milion euro, duke zbritur kostot e investimit.
Sipas raportit, vetëm kursimet që do të vijnë nga kostot e funksionimit të automjeteve, që rrjedhin nga shmangia e shpenzimeve të mirëmbajtjes dhe përdorimit të karburantit, për periudhën 2024 -2053 vlerësohen në 96.79 milion euro.
Përfitimet neto shëndetësore arrijnë në 44.93 milionë euro, ndërsa kostot e shmangura nga aksidentet përllogariten në shumën 41.61 milionë euro. Treni i hekurudhës Tiranë – Durrës do të jetë elektrik, ndërkohë që shpejtësia e lëvizjes parashikohet në 100 km /orë.
PËRFITIMET NGA HEKURUDHA TIRANË – DURRËS
Të ardhura nga operimi 8.67
Totali i benefiteve të shtuara 143.04
Të ardhura të krijuara nga punësimi 38.41
Ndikimi në shëndet 44.93
Vlera e kohës së kursyer 44.39
Teprica e konsumatorit 15.31
Totali i kostove të shmangura 190.05
Kosto mjedisore 32.08
Emetimet e CO2 19.56
Aksidentet 41.61
Kostot e operimit të automjeteve 96.79
