Mëngjesin e sotëm një autobus i linjës Durrës-Itali është aksidentuar në Ulqin të Malit të Zi. Sipas informacioneve, autobusi ishte në kthim nga Italia drejt Shqipërisë, ku do të mbërrinte në Durrës.
Pasagjerët kanë informuar se shoferi humbi kontrollin e autobusit, shkak dyshohet se është lodhja dhe përgjumësia, duke përfunduar së bashku me autobusin jashtë rrugës.
Veprim që ka sjellë përplasjen me bordurën ku fatmirësisht pati vetëm dëme materiale.