Ka përfunduar në pranga nga policia greke 20-vjeçari shqiptar i shpallur në kërkim Mario Tralo.
I riu nga Durrësi është arrestuar mbrëmjen e djeshme për akuzën “vrasje e mbetur në tentativë” si dhe “armëmbajtje pa leje”. Tralo në datë 2 shkurt hapi zjarr ndaj Renis Fejzollit në qytetin e Athinës, çka solli dhe plagosjen e rëndë të 34-vjeçarit.
Hetimet e policisë zbuluan se Fejzolli i kishte borxh një shumë prej 1000 euro Marios Tralo me të cilin ishin shokë, ndërsa ky i fundit kishte përhapur thashetheme në rrethin e tyre, të cilat e kishin prekur Fejzollin.
Ata kanë komunikuar në telefon pasditen e 1 shkurtit dhe e kishin lënë të takoheshin për të zgjidhur mosmarrëveshjet. Teksa Fejzolli e priste Tralon në parkun ku ndodhi ngjarja, ky i fundit është shfaqur me një automjet “Toyota Yaris” dhe pasi ka hapur xhamin, ka shtënë me armë drejt tij.
Tralo dyshohej se fshihej në Angli pasi ishte konfirmuar largimi i tij në Shqipëri pas ngjarjes por policia e ka kapur në Athinë.