Zbardhen detaje të reja nga dëshmia e fëmijëve që akuzohen se vranë dhe varrosën të atin, Pëllumb Meta në Durrës. Në armën e krimit janë gjetur gjurmët e gishtave të djalit të vogël Amarildo Meta.
Nuk ka pranuar që të flasë për këtë fakt. Përsëriti se në momentin e krimit nuk ka qenë në shtëpi. Ai u shpreh se nuk e ka prekur pistoletën, por se vetëm ka ndihmuar vëllanë, Hysen Metën për të fshehur makinën.
“Unë nuk kam lidhje me vrasjen e babait. Nuk ndodhesha në shtëpi në momentin e krimit, isha në punë te servisi. Aty ka edhe kamera sigurie dhe ju e keni verifikuar këtë fakt. Kur kam shkuar në shtëpi kishte ndodhur ngjarja.
Nuk kam asnjë ide se si kanë përfunduar gjurmët e gishtërinjve të mi në pistoletë. Une s’e kam prekur fare pistoleten as para dhe as pas ngjarjes. Nuk di çfarë të them. Unë kam ndihmuar vëllnë vetëm për të fshehur makinën. Me armën s’kam lidhje fare” ka deklaraur Amarildo Meta.
