Pjesëtarë të stafit, shokë dhe kolegë të Grei Bihucit 19-vjeçarit që u vra dje në një konflikt me thikë në Fier kanë folur për të.
Menaxheri i pastiçerisë ku punonte ai, Romeo Dervishi tregon mes tronditjes se 19-vjeçari ka qenë në vendin e gabuar në momentin e gabuar.
Kolegët e kanë vlerësuar Grein si një njeri i cili ka pasur të gjitha vlerat dhe se humbja e tij do ju krijojë një boshllëk shumë të madh.
“Djalë i dashur me të gjithë ne. Nuk ishte vetëm shok dhe koleg, por ishte vëllai ynë. Na thërriste motër. Ka mbajtur fëmijët e mi në krahë.
Më vjen shumë keq. Nuk ka për t’u harruar kurrë. Më vjen shumë keq për nënë dhe motrat e tij. Grei ke për të mbetur gjithmonë në zemrat tona”, është shprehur një prej kolegeve të tij.
Vrasja e të riut në Fier, shokët bëjnë homazhe në vendin ku mbeti i vrarë