Jeta e qetë parlamentare duket se nuk është kthyer ende tërësisht. Në Komisionin e Ligjeve ka patur tensione mes deputetëve.
Deputeti socialist Toni Gogu, gjatë seancës ka përmendur aksionin opozitat, gjë që ka acaruar deputetin Asllan Dogjani.
Demokrati ka përplasur dorën në tavolinë dhe e cilësoi Gogun si ‘dele’ të Edi Ramës dhe me tone të larta i kërkoi të mos merret me punët e brendshme të opozitës.
Pjesë nga debati:
Tonin Gogu: Ju vini nga një aksion i mahnitshëm opozitar, për të cilin falënderoj vetëm Bardhin, i cili shkoi, ju gjeti, ju mori, ju solli dhe bëri shumë mirë që ne të debatojmë.
Asllan Dogjani: Je dele e Edi Ramës ti, more vesh apo jo.
Gogu: Zoti Dogjani, s’të përmenda. Mund të më thuash cila ishte fyerja ime? Të lutem! Fyerjet po i zë ti në gojë. Kujdes! Me shumë kujdes!
Dogjani: Ore vazhdo me procedurën, s’ke punë me ne
Gogu: Të lutem mos më dhuno, jam në hapësirën time rregullative për të diskutuar. Pse kërceni?! Ne ju dëgjojmë. Shumë që keni ardhur, të debatojmë.
