Deputeti i PD-së, Dashnor Sula ishte kritik me Lulzim Bashën nga foltorja e Kuvendit. Tha se nuk e ngriti zërin për marrëveshjen e 2008-tës. Tregoi se ka pasur presion asokohe, por votoi kundër.
“Po flitet për marrëveshjen e vitit 2008. Për fat të mirë jemi 10 burra këtu që kemi qenë dëshmitarë, Xhafaj, Brace, Klosi, Majko, Spaho, Basha, Mediu, unë dhe Leskaj.
Por mungojnë dy personazhet kryesorë, të gjithë të tjerët nuk e dinë marrëveshjen e 21 Prillit 2008, Berishën që e keni burgosur atje dhe Ramën që nuk vjen këtu. Ata dy persona e dinë pse u ndryshua sistemi zgjedhor.
Unë, jam krenar, që bashkë me Mediun, Leskajn, Besnik Mustafajn, Sali Shehun dhe Rexhep Ukën që kemi votuar kundër asaj marrëveshje. Po ku ishte ti zoti Basha në 2008? Ne e dimë mirë presionin që na është ushtruar atëherë por nuk e votuam, sepse e dinim që do të vinin të fortët këtu” tha ai.
