Sekretari i Përgjithshëm i Partisë Demokratike Flamur Noka ka folur në një deklaratë për shtyp në lidhje me kryetarin e departamentit të IT-së, Ervin Muça.
Sipas Nokës ai ishte thjesht një arrest shtëpie për të shpëtuar shefin e tij Taulant Balla. Noka u shpreh se në Shqipëri është instaluar ‘drejtësia me regji’.
“Masa e pezullimit nga puna dhe ‘arrestit në shtëpi’ ndaj Ervin Muçës, është prova e radhës se në Shqipëri është instaluar ‘drejtësia me regji’.
Ervin Muça u arrestua, jo se prokurorët nuk i kishin faktet, por se arrestimi i tij duhet bërë për të shpëtuar shefin e tij, Taulant Ballën.
Nëse Tusha është ‘kokë turku’ për Veliajn dhe Ahmetaj për Ramën, Ervin Muça shërben si i tillë për Taulant Ballën.
Ervin Muça ka ardhur në krye të Departamentit IT në Policinë e Shtetit disa ditë para emërimit Ministër i Brendshëm të Taulant Ballës.
Ervin Muça është i njëjti hajdut me çizme i Rilindjes që vodhi edhe sistemin e pagave nga Drejtoria e Tatimeve kur punonte aty dhe i bëri publike.” tha Noka gjatë fjalimit të tij