Janë duke vazhduar kërkimet e policisë për 3-vjeçarin të raportuar të zhdukur në Durrës, ku sipas nënës së fëmijët, janë pikërisht gjyshërit ata që e kanë rrëmbyer…
Ngjarja u bë e njohur ditën e djeshme, ku një nënë me lot në sy tha para medias dhe policisë se kishte 4 ditë që nuk e dinte çishte bërë me djalin e saj 3-vjeç.
Sipas saj fëmija ishte marrë nga gjyshërit nga ana e babait, për të kaluar pak kohë me ta, por nuk e kishin kthyer më kurrë.
Mësohet se nga policia janë duke u kryer kontrolle në disa banesa të zonës ku banon familja Gjuni, por asnjë gjurmë nga djali dhe gjyshja e tij.
Aktualisht është ndaluar Rexhep Gjunin 58 vjeç, gjyshi i fëmijës i cili deri më tani ka kyçur gojën. Sipas burimeve ai nuk pranon të bashkëpunojë me policinë dhe të tregojë se ku ndodhet gruaja e tij së bashku me fëmijën.
Dyshimet e policisë qëndrojnë ende se fëmija mund të jetë dërguar jashtë shtetit. Babai i 3-vjeçarit ka ndërruar jetë 1 vit më parë, ndërsa vet nëna e fëmijës është shprehur se jetojnë me babanë e saj dhe se me vjehrrit nuk ka pasur asnjë problem deri më tani.
