Një plagosje me armë zjarri ka ndodhur gjatë një vjedhje në Bergamo të Italisë, ku i plagosuri është vetë hajduti.
Një 85-vjeçar ka qëlluar me armë dhe plagosi një nga hajdutët që i hynë në shtëpi në orët e para të 28 prillit.
26-vjeçari i plagosur është një shtetas shqiptar dhe është kapur nga një plumb në qafë. Policia bëri të mundur arrestimin e tij menjëherë sapo ai ishte duke dalë nga shtëpia e të moshuarit, ndërsa poshtë e priste bashkëpunëtori i tij, gjithashtu një shqiptar.
Të dy ata u arrestuan nën akuzën për tentativë vjedhje, ndërsa 26-vjeçari është jashtë rrezikut për jetën, raporton ‘Il Mattino‘.
Dinamika:
Të dy, të veshur me kapuç, hynë në shtëpinë dykatëshe me tarracë të Longuelo-s nga një derë në pjesën e pasme, e cila u hap me forcë me një levë.
Më pas ata e kapën të moshuarin në shtrat teksa ishte duke parë televizor dhe dyshohet se e kërcënuan se do t’i dorëzonte para dhe sende me vlerë.
Megjithatë, gruaja e tij ishte lart. Ish-financieri kishte armën nën jastëk: më pas rrëmbeu armën dhe qëlloi. Më pas hajdutët janë larguar duke marrë me vete çantën e burrit. Gruaja e tij, e cila nxitoi në vendngjarje, lajmëroi 112.
