Pas tetë orësh në pyetje, kryetari i bashkisë së Tiranës, Erion Veliaj doli nga SPAK-u. U fut në prokurori në orën 09:00 dhe doli rreth orës 17:00. Para gazetarëve deklaroi se ezauroi gjithçka për dosjen e inceneratorit të Tiranës.
Nuk pranoi që të japë më shumë detaje duke thënë se kështu i kishin kërkuar hetuesit. “Patëm një ezaurim total të cështjes së inceneratorëve. Të gjitha shpjegimet e nevojshme.
Dy kolegët hetues më kërkuan që për cështje të hetimit dhe sekretit hetimor, që të mos i ndaj me gazetarët, do të jetë pjesë e zbardhjes së dëshmisë sime.
Por ndihem vërtetë mirë që ndihem më i lehtësuar që pata mundësi të them edhe fjalën time. Edhe armiqtë e mi ndihen më të lehtësuar. Për cdo gjë tjetër do u përgjigjem” tha ai.
