Ditën e nesërme opozita ka paralajmëruar protestën e radhës para bashkisë së Tiranës, për skemën ‘5D’ ku kërkohet dorëheqja e Erion Veliajt.
Pikërisht për këtë disa aksione të protestës kanë filluar që ditën e sotme.
Ka qenë Koordinatori Rajonal i selisë blu për Tiranën, Klevis Balliu dhe ish-kandidati për Tiranës Belind Këlliçi ata që kanë ngjitur postera “Jep Dorëheqjen” me foton e kryebashkiakut Veliaj.
Me herët koordinatori Rajonal i selisë blu për Tiranën, Klevis Balliu vijon denoncimin e fakteve sipas tij, që implikojnë kryetarin e Bashkisë së Tiranës Erion Veliaj në vjedhjen qindra miliona eurove përmes incineratorit të Tiranës.
Duke iu referuar protestës së radhës të thirrur para Bashkisë së Tiranës, Balliu bëri thirrje për pjesëmarrje masive në shesh, që siç tha ai, nesër t’u kthehet qytetarëve bashkia dhe të rrëzohet banda e hajdutëve.
