Të tjera detaje janë zbuluar për të shkuarën e familjes së 23-vjeçarit, Azgan Mërnica, i cili ditën e djeshme ekzekutoi me armë zjarri efektivin e ‘Shqiponjave’ Novruz Celinaj.
Vëllai i tij i madh, Kiri Mërnica, ka vrarë me thikë në 2019 Florian Selmin, ngjarje e ndodhur po në fshatin Sulaj, ku të dy ishin banues. Për këtë ai është dënuar me 19 vite burg.
I ati i 23-vjeçarit, Petrit Mernica ka bërë 20-vite burg në të kaluarën, pasi ka vrarë kunatin e tij. Veprimtaritë kriminale rriten dhe me zgjerimin e rrjetit kriminal, pasi siç raporton gazetari Fabion Xhafa, daja i Azgan Mërnicës, është duke kryer dënimin me burg në Gjermani.
Kërkimet për 23-vjeçarin vazhdojnë ndërsa policia dhe RENEA janë të bindura se ai fshihet në zonën e Apollonisë.
Gjithashtu i riu ka armën e krimit me vete.
24 orë nga vrasja/ Zhduket autori, kontrolle të rrepta, të afërmit: Policia, presion!
