Ka dhënë dëshminë e tij Azgan Mërnica, autori i krimit të rëndë i cili vrau efektivin e ‘shqiponjave’ Novruz Cenaliaj. Bëhet me dije se 23-vjeçari ka deklaruar se gjithçka ka qenë momentale.
Azgan Mërnica ka deklaruar se ishte duke lëvizur me makinë, ku si pasagjere kishte nënën e tij, dhe ishte duke kaluar në një rrugë të fshatit Baltëz, është shkëmbyer me efektivin Novruz Cenaliaj.
Sipas 23-vjeçarit në një moment ka kuptuar dhe ka parë që polici ia ka bërë me dorë dhe kam menduar që e ka sharë dhe ofenduar dhe në këtë moment ka dalë jashtë makinës për t’u sqaruar dhe ka parë që polici ka afruar dorën te arma e shërbimit dhe sipas tij e ka qëlluar duke menduar se do ta vriste efektivi i pari pasi sipas tij ka afruar dorën te arma e krimit.
Dëshmia e autorit e krimit është marrë me rezerva nga grupi hetimor dhe do të ripyetet sërish.
