Nikolla i vogël, i cili ishte me të ëmën në shtëpinë e tyre, disa dhjetëra metra larg plazhit, donte të bënte not.
Nëna e tij refuzoi , por djali i vogël i shpëtoi vëmendjes dhe u gjend në plazh duke notuar me një mik. Por duket se rryma e ka rrëmbyer duke bërë që fëmija fatkeq të humbasë ndjenjat.
“ Prindërit e kërkonin , ai doli nga shtëpia pa e kuptuar. Ky fëmijë e donte shumë detin, shkonte rregullisht në det. Sot ai u gjet vetëm dhe kur e zbuluan ishte tepër vonë”, tha Pavlos Baritakis, kryebashkiak i Viannos.
Një banor i zonës ka parë fëmijën duke notuar në ujë dhe menjëherë ka ngritur alarmin. “Nuk frynte erë, por kishte një valë të heshtur, deti është shumë i rrezikshëm, sepse ka rryma. Rryma e mori që andej dhe e solli në port, por në një gjendje ku kishte humbur ndjenjat. Kishte një puls të lehtë, por nuk merrte frymë. Për gjysmë ore disa njerëz që dinin ndihmën e parë po përpiqeshin ta rivendosnin atë. Ambulanca zbriti, erdhi një mjek dhe ajo pa që kishte një puls. Nuk kishte njeri në plazh që ta shihte fëmijën”, tha një dëshmitar okular për Mega.
