Kryetarja e Kuvendit, Lindita Nikolla anuloi mocionin me debat të kërkuar nga Gazment Bardhi pas dokumentarit të RAI3. Kryetari i grupit të PD-së, tha se Edi Rama është i lidhur “kokë e këmbë” me krimin”. Risolli akuzat e Arben Ahmetajt.
“Ju e dini shumë mirë që Rama ka caktuar një përfaqësues për të mbajtur marrëdhëniet e tij me krimin e organizuar.
A nuk jeni ju që përshpërisni në kafet e kuvendit dhe cdo kafe të Tiranës që Ergys Agasi është koordinator i Tiranës me krimin e organizuar.
E nisi në Durrës, e çoi në Shkodër, Elbasan, Vlorë, Fier dhe të gjithë Shqipërinë. Më pas njeriun e Ergys Agasit e emëroi drejtues të SHISH. Këtu është edhe turpi i Presidentit.
Njeriu i Ergys Agasit është në krye të SHISH dhe në vend që të luftojë krimin e organizuar tenton që të marrë informacione brenda SPAK për të furnizuar krimin e organizuar” tha ai.
