Ditën e shtunë Shqipëria do të luajë përballë Italisë ndeshjen e parë në Europian. Mesfushori kuqezi Ylber Ramadani, pjesë e Lecce-s në Serie A, në një intervistë për Sky u shpreh se në Itali ka shumë shqiptarë, “jemi shumë të lumtur që përfaqësojmë tifozët tanë në këtë Evropian”.
“Ne zbresim në fushë vetëm për të fituar, gjithmonë. Mister Sylvinho ka ndërtuar një grup të madh, jemi shumë të bashkuar. Kemi bërë një fazë kualifikuesesh fantastike, shpresojmë shumë që ta përsërisim edhe në Evropian. Broja është një lojtar i fortë që mund të luajë në çdo skuadër në botë, ka një potencial shkatërrues.
Ne i njohim shumë mirë lojtarët e Italisë, ne do të bëjmë gjithçka për të marrë atë rezultat që dëshirojmë. E ardhmja? Më mirë të mos flas, pasi më merr drejtori në telefon. Jam totalisht i përqendruar tek Evropiani, të shohim më pas në përfundim të Evropianit” tha ai.
