Futboll dhe politikë. Franca luan sonte ndeshjen e parë përballë Austrisë. Por vëmendja është jashtë fushe.
Ylli i Francës Kylian Mbappe është përfshirë në qendër të trazirave të politikës franceze. Ai është rreshtuar krah Macronit duke bërë thirrje për të votuar kundër Le Pen.
“Kjo është një ngjarje që nuk është parë kurrë më parë. Kjo është arsyeja pse dua të flas me të gjithë popullin francez, por edhe me të rinjtë.
Ne jemi një brez që mund të bëjmë ndryshim. E shohim se si ekstremistët po trokasin në derën e pushtetit, ne kemi mundësi të formësojmë të ardhmen tonë”, tha Mbappe.
Një javë më parë, Presidenti i Francës, Macron shpalli zgjedhje të parakohshme pasi partia e ekstremit të djathtë të Le Pen fitoi zgjedhjet në shtetin francez për Parlamentin Europian.
